Interpretación simultánea - AcessMundi | Servicios de traducción en Vigo

Tamén ofrecemos servizos de interpretación simultánea e outras modalidades de tradución oral de voz a voz:
Interpretación simultánea: Utilízase habitualmente en conferencias, congresos, seminarios web, cursos de formación, reunións de negocios, conferencias de prensa e eventos similares que poden celebrarse de forma presencial, híbrida ou a distancia a través de plataformas de reunións online como Zoom, Webex ou Google Meet. A interpretación simultánea, tamén coñecida como tradución simultánea, realízase en tempo real, polo que a duración do evento é a mesma que se o mencionado evento se celebrase nun único idioma. En termos do equipamento técnico necesario, podemos traballar co que proporcione o cliente ou encargarnos de xestionar tamén esa parte.
Ofrecemos tamén modalidades de interpretación que non requiren equipamento técnico: interpretación consecutiva (quen interpreta fala a continuación da persoa oradora, polo que a duración do evento se incrementa até case duplicarse); interpretación bilateral, de enlace ou acompañamento (para negociacións, reunións pequenas, entrevistas e visitas a fábricas ou outro tipo de instalacións); e interpretación murmurada ou chuchotage (para eventos presenciais nos que só dúas ou tres persoas necesitan interpretación).